Nasapwan nga wala na sang kabuhi ang isa ka administrative officer sang Bohol Island State University (BISU)-Candijay Campus.
Ang biktima amo si Dexter “Dex” Timbal Hinayon, 33-anyos, residente sang Barangay Can-olin, Candijay, Bohol.
Nagatrabaho ini bilang director sang Cashier’s Office sa amo nga institusyon.
Nakit-an ang bangkay sang biktima sa sulod sang sako sa Barangay Can-olin pila ka adlaw matapos ini na-missing.
Base sa naabyan nga sitwasyon sang bangkay, may tape ini sa iya baba, nakagapos ang kamot, kag naputos pa sang adhesive tape ang dughan sini kag tuhod.
Natigayon naman nga maaresto ang suspek nga si alyas “Requiz” nga ginapahayag nga hinablos sang biktima.
Nag-ako man ini gilayon sa nahimo nga krimen.
Ginpahayag nga nangayo ang suspek sang P2,000 sa biktima apang P1,000 lang ang ginhatag gani naakig ang suspek kag ginpatay si Hinayon.
Kaso nga murder ang ipasaka batok sa suspek.
-Candijay Campus.){kind=link}