Naka-rekord na ang Philippine Institute of Volcanology and Seismology (PHIVOLCS) sang 2,023 aftershocks kasunod sang magnitude 7.8 nga linog sa Mindanao.
Ini nga data ang ginpaguwa alas syete subong nga Myerkules sang aga, Hunyo 10.
Suno sa PHIVOLCS, ang kabaskugon sang aftershocks ang naga-range sa magnitude 1.3 tubtub sa 6.4.
Nakuha ini nga impormasyon nagikan sa General Santos Seismic Station (GSP) kag sa Don Marcelino Seismic Station sa Davao Occidental.
Sandig naman kay Office of Civil Defense (OCD) Deputy Administrator Assistant Secretary Raffy Alejandro, nagdangat na sa 45 ang napatay sa amo nga linog.
Walo ka bangkay ang na-recover kagab-i — pito ang halin sa Jose Abad Santos, Davao Occidental, kag isa sa Malita, Davao Occidental.
Base sa awtoridad, apat pa ang nagapabilin nga missing sa Glan, Sarangani, kag apat man ang ginapangita pa sa General Santos City.#
