Nagpahayag si former Senator Cynthia Villar nga isa na ka ‘warning’ ang nagakatabo nga coastal uplift sa Glan, Sarangani kasunod sang magnitude 7.8 nga linog sa Mindanao.
Gin-post ni Villar ang pictures sang mga baybayon nga kuha sang Department of Environment and Natural Resources (DENR).
“When the ground rose two meters and pushed the sea back 200 meters due to the recent 7.8 earthquake, it didn’t just reshape a coastline, it exposed coral reefs and seagrass beds that took centuries to grow,” suno kay Villar.
Dugang sini: “The DENR is going to make a scientific assessment. Let us make sure it leads to action, not just a report. What happened at Glan, Sarangani is a powerful warning. The question is whether we are willing to listen, and to act.”
Suno sa PHIVOLCS, ang coastal uplift amo ang vertical deformation kun sa diin nagataas ang duta sa baybayon kag nagaka-expose ang areas nga natabunan anay sang tubig-dagat.
Nagakatabo ini nga phenomemon bangud sang pag-alsa sang crust sang Earth sa fault line ukon subduction zone.
Sandig sa aerial survey sang PHIVOLCS kag sang Mines and Geosciences Bureau (MGB), may mga porsyon sang baybay sa Glan sa Sarangani kag Jose Abad Santos in Davao Occidental nga nagtaas kun sa diin may yara pa nga nagsobra na sa duha ka metros.
Hunyo 8, 2026 sang natabo ang linog sa Mindanao nga tubtub subong nagadala pa sang mabaskog nga mga aftershocks.
