Ginpakigbahin sang aktress nga si Jodi Sta Maria ang iya pagkadto sa pito ka kontinente sang kalibutan kaangay sang Asia, Oceania, North America, South America, Europe, Africa, kag Antarctica.
Sa iya Instagram post gin-share sini nga nakumpleto na sini kadto ang pito ka mga Kontinente.
Suno pa sa iya nga ang bata lang sang una nga nagapangamuyo kag nagahandom nga makadtuan ang mga ini nga mga lugar natuman na sini bangud ini nagpati kag nagpadayon.
Ginsiguro man sini nga makadtuan ang mga kilala nga tourist destination sang tagsa ka kontinente nga iya ginlagawan.
Nagpahanumdom man ini sa iya mga fans nga handom lang ini niya sang una kag suno pa sa iya nga ang tagsa ka dreamer dapat magpadayon man kag magpati sa ila mga handom anuman ang matabo.
Gilayon naman nga nag-ani ini sang mga komento halin sa iya mga fans kag may ara pa sang naghambal nga sa pila ka kaadlaw sila naman ang makakadto sa nagkalain-lain nga bahin sang kalibutan kag makadiskubre sang nagkalain-lain nga kultura kaangay sang gintuman ni Jodi.
