Ginkumpirma ni Senate President Pro Tempore kag Senate Blue Ribbon Committee Chairman Ping Lacson nga ginrekomenda sang committee ang pagpasaka sang kaso nga plunder kag graft batok sa tatlo ka incumbent senators kag tatlo ka mga anay matag-as nga opisyal sang gobyerno bangud sa kahilabtanan sa anomalya sa flood control projects.
Nalakip sa mga ginhingadlan amo sanday Senator Jinggoy Estrada, Senator Joel Villanueva kag Senator Chiz Escudero amo man ang mga anay mamalidha nga sanday Bong Revilla, Zaldy Co, kag Mitch Cajayon-Uy.
Suno kay Lacson, nagapangatubang na sa imbestigasyon ang mga ini kag may pila man nga ginmanduan nga arestuhon bangud sa pagkaulamid sa nasambit nga anomalya.
Sa karun, apat (4) pa lamang ang nagpirma sa nasambit nga draft kag indi pa ini opisyal nga report sang committee.
Ang mga nagpirma pa lamang sa karun amo sanday Lacson, senator Risa Hontiveros, senator Bam Aquino, kag senator Kiko Pangilinan, matapos nga nag-atras ang tatlo ka myembro.
Kinahanglan sa karun sang onse (11) ka pirma agud mapresentar ang nasambit nga report sa plenaryo sang Senado.
