Sigurado na nga makabaton ang Pinay tennis sensation nga si Alex Eala sang malapit sa ₱11 million nga prize money matapos makasulod sa Miami Open quarterfinals.
Suno sa Women’s Tennis Association website, ang mga players nga nag-qualify sa quarterfinals ang sigurado na nga may mabaton nga $189,075 (malapit sa ₱10.9 million) kag 215 points kada isa.
Si Eala ang natalana kuntani mag-atubang kay Paula Badosa sa Round of 16 apang nag-atras ang Spanish player bangud sa lower back injury, nga naghatag sa rising Filipino star sang automatic nga quarterfinals spot.
Ang 19-year-old nga si Eala ang magaatubang sa world No. 2 kag five-time grand slam winner Iga Swiatek sang Poland sa quarterfinals subong nga Mierkules.
Kun magdaug si Eala, makabaton ini sang $332,160 (₱19.1 million) kag 390 points sa pag- advance sa semifinals.
