Ginpasiguro ni Iloilo City Mayor Raisa Treñas nga bukas ang iya opisina para kay former Iloilo City Mayor kag subong Department of Interior and Local Government Undersecretary for Public Safety Jed Patrick Mabilog.
Ini matapos nagpabutyag si Mabilog nga plano niya makig-angot kay Treñas para maistoryahan kun paano makabulig ang DILG sa mga programa kag proyekto sang syudad.
Sa interview sang Bombo Radyo sa alcalde, iya ginpahayag nga halin sang una, nagapatuman na sang “Open Door Policy” ang iya opisina.
Suno pa sa alcalde, ginaapresyar man niya ang intensyon sang former mayor.
Apang sa subong suno kay Treñas, wala pa ini sang nabaton nga sulat ukon communication halin kay Mabilog.
