ILOILO CITY– Nagapangabay si Alimodian Iloilo Mayor Geefre Calay Alonsabe sa mga pumuluyo sang Alimodian nga magtiner sa ila balay.
Sa interview sang Bombo Radyo kay Alonsabe, iya ginpahayag nga kinahanglan ang kooperasyon sang tanan agud gilayun nga matapos ang krisis sa coronavirus disease 2019.
Suno kay Alonsabe, sila sa Local Government Unit sang Alimodian ang nagahimo sang ila masarangan agud makabulig sa tagsa ka pumuluyo kag agud matapna ang paglapta sang virus.
Pahayag pa niya, kuntani himuon sang tagsa-tagsa ang ila bahin pinaagi sa pagpahimunong sa puluy-an kag indi na magwa pa kun indi importante ang kinahanglanon.
