Gin-akusaran ni Senate President Alan Peter Cayetano ang mga senador halin sa minority bloc nga padayun sang mga ini nga ginasapubliko ang plano nila nga kudeta agud madula ang salig sang publiko sa senate majority bloc.
Sa ginpatigayon nga livestream ni Cayetano sa iya facebook account, iya ginpahayag nga dako ang kumpiyansa sang minorya bangud may ara sang nagabulig sa ila halin sa ehekutibo.
Nagapati man ang senate president nga isa man sa rason sa ginaplano nga kudeta amo ang balabagan ang ginaduso ni Senator Rodante Marcoleta nga online voting ukon teleconferencing sa sesyon sang senado.
Pahayag pa niya, tuyo man sang mga ini nga kuhaon ang mayorya agud sila ang liwat nga magpanguna sa mga komite.
Naghatag man ini sang komento sa nangin pahayag ni Senator Erwin Tulfo nga wala gid sang napasar kag gin-isturyahan nga bill sa sulod sang iya liderato.
Paathag ni Cayetano, dako nga epekto sa madugay nga proseso ukon pag-isturyahanay amo ang wala pag-upod sang minorya sa mga komite bilang myembro kasunod sang nangin pagbag-o sa senado.
