Asud-asud ang pagpatigayon sang disinfection kag mass testing sa mga empleyado sang Iloilo City Hall.
Sa interview sang Bombo Radyo kay Iloilo City Mayor Jerry Treñas, iya ginpahayag nga apisar nagadugang pa ang COVID-19 cases sa Iloilo City Hall, mas madamo sa gihapon ang numero sang mga empleyado nga naganegatibo sa amo nga virus.
Suno kay Treñas, bangud sini, ginalantaw nga magabalik na sa operasyon ang Iloilo City Hall sa sunod nga semana apang yara sa 30 percent on-site capacity.
Ginpahayag sang alkalde nga ginmanduan na niya ang mga department heads sang nasambit nga talatapan agud magpatuman sang skeletal workforce agud indi madelay ang trabaho para sa mga pumuluyo.
