Gin-aresto ang American professional golfer nga si Tiger Woods matapos ini ginpahayag nga nagamaneho sang iya salakyan nga yara sa impluwensya sang makahulubog nga ilimnon sang ini ang naulamid sa isa ka vehicular accident.
Suno kay Martin County Sheriff John Budensiek, una nga gin-alegar si Woods nga nakainom sang makahulubog nga ilimnon matapos ini nakitaan sang senyales sang impairment, apang nag-negatibo ang resulta sang iya Breathalyzer test.
Ginapatihan nga may gin-inom nga bulong ukon droga si Woods kag nagpamalibad ini nga magpaidalum sa urine test rason nga gilayun ini nga gin-aresto.
Nahibaluan nga ini na ang ikaapat nga kahigayunan nga gin-aresto ang amo nga professional golfer bangud man sa vehicular accident sang una ini nga gin-aresto sang 2017 matapos ini naggamit sang sala nga kombinasyon sang painkillers.
