Arestado ang anay platoon leader sang New People’s Army ukon NPA matapos ang 15-minuto gunfight sa Sitio Bagao, Barangay San Roque, Bulalacao, Oriental Mindoro, hapon sang Oktubre 14.
Suno kay Brigadier General Melencio Ragudo, commander sang 203rd Infantry Brigade sang Philippine Army, nagpatigayon sang joint patrol ang mga suldado matapos makabaton sang report halin sa isa ka residente nahanungod sa presensya sang mga armado nga kalalakinhan sa lugar.
Nagluntad ang engkwentro sang palapit na ang mga suldado sa tent nga ginatiniran sang ginabanta pulo ka mga ginapahayag miyembro sang NPA.
Nagdugay sang 15 minuto ang pagbaslanay sang paglinupok bag-o nakatakas ang grupo, samtang nabilin naman ang suspek kag nagsuko na lang ini.
Suno sa militar, ang naaresto ang lalaki anay isa ka platoon leader sang NPA nga may warrant of arrest na, lakip ang mga kaso nga murder kag arson.
Na-recover man sang awtoridad ang pusil, bala kag blasting caps, mga kagamitan sa komunikasyon, medical supply kag iban pa nga kagamitan.
Naka-detaine naman ang suspek sa Bulalacao Municipal Police Station.
