Ginpaathag sang isa ka medical expert nga dako ang kabangdanan sang insakto nga posisyon sa pagtulog para sa ikaayong lawas.
Ang pagtulog ang kabahin na sang kabuhi apang ang masami nga problema sang kadam-an amo nga kun paano makatulog sang maayo.
Suno kay Debra Rose Wilson, health psychologist kag nurse sa Estados Unidos, kada tawo ang may yara sang preferred sleeping position apang nagakadapat ini nga i-modify sang maayo agud indi makompromiso ang ikaayong lawas.
Pahayag ni Wilson, ang pagtulog nga nakatakilid samtang nakabarikutot ang mga tiil ang makapaayo sang lower back pain, makapalikaw sa paghuragok kag maayo man para sa mga nagabusong.
Apang nagakadapat suno sa eksperto agud nga mangin mas komportable, nakaloose lamang ang posture sang lawas kag narelax ang mga tiil nga nakabarikutot.
Ang ‘Flat on your back’ ukon nagakaya nga sleeping position ang isa man sa may pinakamado nga health benefits bangud nagaprotekta ini sang spine sang lawas, kag makapaayo sang pagpalanakit sang tuhod.
Agud malikawan ang back pain sa pagtulog pakamaayuhon suno sa doktor nga butangan sang ulunan ang likod sang tuhod agud mabuhinan ang pressure sa spine.
Magluwas sa mga nasambit nga sleeping position, ginapanugyan sang doktor ang regular nga pag-ehersisyo kag paglikaw sa mga caffeinated drinks agud nga maangkon ang quality sleep kag makafunction sang normal ang lawas.
