Kinahanglan nga gabuton ang isa ka wisdom tooth suno sa isa ka eksperto sa tion nga may ara na ini sang impeksyon, impacted nga ngipon, ukon nagsalampaw na ang ngipon.
Sa interview sang Bombo Radyo kay Dr. Jude Sican Teñales, isa ka dentista, iya ginpahayag nga natural lang kun kaisa nga masakit ang pagtubo sang wisdom tooth bangud matured na ang gums sang isa ka indibdiwal.
Suno sa iya, may mga tion man nga nagakaapektuhan gid ang bilog nga lawas sang isa ka tawo kun nagbanog ukon nagasakit ang unto bangud nga konektado ang ugat sini sa bilog nga lawas.
Pahayag man ni Teñales nga posible man nga makalaton ang guba nga unto sa iban nga maayo pa nga ngipon kun indi ini paghalungan.
Dugang pa niya, importante gid nga may ara sang proper dental health care kag magbisita man sa mga denstista ang tagsa ka indibdiwal agud nga mahatagan sang nagakadapat nga mga tikang agud nga malikawan ang problema sa ngipon.
