(Trigger Warning: This article discusses suicide and may be distressing for some readers.)
Ginbuyagyag ni Presidential Anti-Organized Crime Commission (PAOCC) Director Secretary Gilbert Cruz nga anom na ka mga tawo ang nag-utas sang kabuhi bangud sa ginapahayag nga pagpang-harass sang mga illegal online lending companies.
Suno kay Cruz, ginpakahuy-an sang mga online lending companies ang nasambit nga mga indibidwal.
Kalakip sa mga sahi sang pagpang-harass sa ila amo ang pagpadala sang mga email kag text sa mga contacts agud pakahuy-an ang mga ini.
Nagpamahog man ang mga lending companies nga kun indi makabayad sang utang, i-post nila ang mga sensitibo nga mga laragway sang nasambit nga mga indibidwal.
Nagpanawagan naman si Cruz sa publiko kag sa iban nga ahensya nga magbuligay agud ma-expose kag mauntat ang operasyon sang mga illegal online lending companies.
Ginpasiguro naman ni Cruz nga nagahimo sila sang paagi agud matapan ang nasambit nga iligal nga aktibidad.
[SUICIDE PREVENTION HOTLINE CENTER FOR HEALTH DEVELOPMENT – WESTERN VISAYAS]
1-800-10-333-8336
09985324047
09255469919
WVSUMC – 3202431 loc. 162 or 209
3292360
WVMC – 3211797 loc. 186
5037708
PMHU – 5298109
