ILOILO CITY – Nagpatigayon sang Induction and Oath Taking Ceremonies ang Apex Club of Iloilo City – ang grupo nga amo ang sa likod sang pagpatukod sang original nga Nutrition Center sa Iloilo City.
Ang kahiwatan ang ginpatigayon sa Grand Xing Imperial Hotel Iloilo.
Nangin dinapit nga bisita sa kahiwatan si Barotac Viejo, Iloilo Mayor Nielo ‘Bong-Bong’ Tupas.
Nagsumpa naman ang mga bag-o nga officers nga ginpangunahan sang president nga si Myles Joseph Sotelo.
Magluwas diri, nagsumpa man ang mga prospexian.
Sa subong ang P54-million nga Nutrition Center ang ginpakay-o kag nagataas na sang apat ka panalgan.
Ang nutrition program ang bunga man sang pagbuligay sang Iloilo City Government sa Department of Science and Technology (DOST)-Western Visayas, Florete Group of Companies, kag Bombo Radyo Philippines.
