Wala pa nakabaton ang opisina ni Councilor Sedfrey Cabaluna-Chairman on Committee on Transportation sang memorandum halin sa Land Transportation Office (LTO) kaangot sa pagpanakop sang e-bikes kag e-trikes sa mga national road.
Sa interview sang Bombo Radyo kay Cabaluna, ginpahayag sini nga inisyal na sila nga nakaistorya ni LTO 6 Regional Director Gaudioso Geduspan II kag nagsiling nga kinahanglan sang iya opisina sang pormalidad ukon nakasulat sa papel agud maimplentar sang insakto sa siyudad ang amo nga pagsulundan.
Suno kay Cabaluna, pabor man ini sa mega e-bikes kag e-trikes nga mag-operate bangud sustainable kag environment friendly apang mas mayo kun yara lang sa ila mga barangay bangud sa kapasidad sang amo nga mga salakyan.
Nahibaluan nga gin-hold man sang LTO ang pag-impound sang mga e-bikes kag e-trikes agud makapatigayon pa sang information drive ang amo nga ahensya.
Suno man kay LTO Chief, Asec. Markus Lacaniolao, magasugod sa Enero 2, 2026 anfg enforcfement kag impounding operations sang nasambit nga mga salakyan.
