Nagapati si anay presidential spokesperson Atty. Harry Roque nga yara sa maay nga mga kamot si Former President Rodrigo Duterte subong nga may ara na ini sang bag-o nga defense team.
Ini matapos nga nagapabilin sa gihapon si Duterte sa detention center sang International Criminal Court (ICC) bangud sa ginapangatubang sini nga kaso nahanungod sa crimes against humanity sa idalom sang war on drugs sa iya administrasyon.
Suno kay Roque, madamo na sang nadaug nga kaso kag mayo gid sa International Criminal Law ang bag-o nga mga abogado sang anay presidente nga sanday Peter Haynes nga Lead counsel sini kag Kate Gibson naman bilang associate counsel.
Ginpakigbahin man niya nga naka-updanay na si Haynes kag Gibson sa kaso ni Jean-Pierre Bemba nga anay Bise Presidente sang Democratic Republic of Congo (DRC) kun sa diin nagdaog sila sa kaso sini.
Madumduman nga si Peter Haynes kag Kate Gibson ang nagbulos kanday Atty. Nicholas Kaufman kag Dov Jacobs nga amo ang una nga mga abogado nga naghawid sang kaso ni Duterte sa ICC.
