Madamo nga mga tawo ang naga-palangga… apang indi tanan, gina-palangga man pabalik.
Kun ikaw nagpalangga apang sang ulihi nasakitan, ano ang imo ginahimo?
Lain-lain man ang aton coping mechanism ukon paagi sa pag-move on, apang may ara man dira nga makatuga na sang halit sa iban.
Kaangay sini nga babayi sa Project 6, Quezon City nga nagpahubog kag nagmaoy bangud nga gin-bulagan ini sang iya nga partner.
Nakit-an gid mismo sa Closed Circuit Television camera kun paano nag-wild ang 27-anyos nga babayi.
Naga-ekis-ekis ini sa dalan kag ginabato pa sang tsinelas ang pila sa mga nagalabay nga motorista.
Sang nag-abot naman ang mga opisyal sang barangay, ginsipa niya ang isa samtang ginkagat man sini ang kamot kag kilid sang isa ka barangay kagawad.
Sang ulihi, nag-responde na gid ang pulis kag napilitan nga dal-on ang amo nga babayi bangud sa gamo nga iya ginhimo.
Sang naumpawan na ini sa iya kahulugbon, tuman man ang iya nga paghinulsol kag depensa nga nadula lang siya sa husto nga paminsaron bangud sa iya gin-inom nga resulta man sang iya pagka-brokenhearted.
Nag-sorry man ini sa iya ginpanghaboy kag ginpangkagat.
Apang bangud indi na sini mabalik ang iya ginhimo nga eskandalo, nagpangatubang gid ang babayi sang lain-lain nga mga reklamo lakip na ang Alarms and Scandals, kag Resistance and Disobedience, kag Direct Assault upon an Agent of Person in Authority.
