ILOILO CITY – Nagapati ang grupo nga Bagong Alyansang Makabayan-Panay, nga isa ka dako nga problema ang kakalungan sa test kits sa syudad sang Iloilo sa pagtapna sang Coronavirus Disease 2019.
Sa interview sang Bombo Radyo kay Elmer Forro, secretary general sang Bagong Alyansang Makabayan-Panay iya ginpahayag sa ila nga paglibot sa mga kabalayan sa syudad sang Iloilo bilang kabahin sang ginpatigayon nila nga information campaign nakita nila nga ang test kits ang isa sa mangin sabat sa pagtapna sa nasambit nga balatian.
Suno kay Forro, nagakadapat nga dalion sang City Goverment ang pagbakal sang test kits agud mas mapadasig man nga matapos na ang problema gna gintuga sang COVID-19.
Dugang sang natungdan, ginadayaw man nila ang University of the Philippines – Visayas nga naghatag sang bulig sa installation sang testing area sa syudad kag kun paano maka avail sang test kits.
Santo sa pahayag ni Forro, kahapon lang nagsugod ang ginpatuman nga travel restriction apang makita na ang nangin epekto sini sa mga pumuluyo.
Nagakadapat nga suno sa natungdan, tseksyaron ang supply sang pagkaon kag basic commodities sang mga pumuluyo nga pinaka apektado subong.
