Naghina ang Bagyo Julian kag nangin isa na lang ka Typhoon.
Mahinay naman ini nga nagahulag.
Wala naman sang pagbag-o sa hulag sang bagyo.
Ginalauman ini nga magliso pa northeastward padulong sa southwestern coast sang Taiwan sa diin maga-landfall ini karon sa gab-i ukon bwas sa aga.
Matapos ang landfall, ang bagyo ang ginalauman nga maglabay sa baybayon sang Taiwan antes magpadulong sa Taiwan Strait sa Byernes sang gab-i ukon sa Sabado sang kaagahon.
Matapos sini, mapadulong naman ang bagyo sa mainland China.
Gindula naman ang posibilidad nga magbalik pa ini sa Philippine Area of Responsibility subong nga adlaw.
Ang mata sang Typhoon Julian ang ginabanta yara sa kalayuon nga 280 km West Northwest sang Itbayat, Batanes ukon sa gwa sang Philippine Area of Responsibility.
Dala sini ang kabaskugon sang hangin nga nagadangat sa 165 km/h malapit sa sentro kag may pagmadlos nga nagadangat sa 205km/h.
Mahinay ini nga nagahulag Northwestward .
Sa subong napaidalom sa gihapon sa Tropical Cyclone Wind Signal No. 1 ang mga masunod nga lugar sa diin may yara sang minimal to minor nga pamahog sa kabuhi kag propedad:
Luzon:
Batanes, Babuyan Islands, the northern and western portions of Ilocos Norte, and the northwestern portion of mainland Cagayan
