Mas nagbaskog pa ang Severe Tropical Storm ukon Bagyo Marce kag malapit na lang nga mangin isa ka Typhoon.
Possible ini nga mag-landfall sa Babuyan Islands ukon sa Northern Portion sang mainland Cagayan sa Huwebes sang gab-i ukon Byernes sang aga.
Magwa naman ini sa Philippine Area of Responsibility sa Byernes sang gab-i ukon Sabado sang kaagahon.
Ang sentro sang Severe Tropical Storm Marce ang ginabanta yara sa kalayuon nga 735 km East sang Baler, Aurora.
Dala sini ang kabaskugon sang hangin nga nagadangat sa 110 km/h malapit sa sentro kag pagmadlos nga tubtob sa 135 km/h.
Nagahulag ini pa Northwestward sa kadasigon nga 25 km/h.
Sa subong, nabatak naman ang Tropical Cyclone Wind Signal No. 1 sa pila ka mga lugar sa Luzon, sa diin may yara sang minimal to minor nga pamahog sa kabuhi kag propedad.
Ini amo ang mga masunod:
Batanes, Cagayan lakip na ang Babuyan Islands, northern kag eastern portions sang Isabela, northern portion sang Apayao, northern portion sang Ilocos Norte
