Padayon nga nagahina ang Typhoon ukon Bagyo Marce kag yara na sa baybayon sang Ilocos Norte.
Duha ka beses naman ini nga nag-landfall.
Una las 3:40 kahapon sang hapon sa Santa Ana, Cagayan.
Ang ikaduha naman sini nga landfall ang natabo las 9:00 kagabi sa Sanchez-Mira.
Subong nga aga, magapadulong si Bagyo Marce sa West Philippine Sea kag magwa sa Pilipinas karon sa hapon ukon gab-i.
Magahina naman ang Bagyo Marce kag possible nga mangin Severe Tropical Storm sa weekend bangud ginasulod na ini sang medyo malamig ukon medyo mala nga northeasterly windflow.
Apang lauman naman nga may mga lugar nga may mabaskog nga pagmadlos.
Samtang, ang cloud cluster naman nga yara sa gwa sang Philippine Area of Responsibility (PAR) ukon sa Pacific Ocean ang nag-develop na bilang isa ka Low Pressure Area.
Possible naman ini nga magsulod sa Pilipinas karon sa gab-i ukon bwas sa aga.
Wala naman ginadula ang posibilidad nga mag-develop ini bilang isa ka Tropical Depression sa masunod nga 24 oras.
Sa tion nga magsulod sa Pilipinas, pagatawgon naman ini bilang Bagyo Mika.
Ang sentro sang Typhoon Marce ang ginabanta yara sa baybayon sang Pasuquin, Ilocos Norte.
Dala sini ang kabaskugon sang hangin nga nagadangat sa 155 km/h malapit sa sentro kag pagmadlos nga tubtob sa 215 km/h.
Nagahulag ini pa West Northwestward sa kadasigon nga 10 km/h.
Sa subong, nabatak naman ang Tropical Cyclone Wind Signal No. 4 sa pila ka mga lugar sa Luzon, sa diin may yara sang significant to severe nga pamahog sa kabuhi kag propedad.
LUZON
Ilocos Norte, northernmost portion sang Ilocos Sur, northern portion sang Abra, northwestern portion sang Apayao, northwestern portion sang mainland Cagayan
Sa subong, nabatak naman ang Tropical Cyclone Wind Signal No. 3 sa pila ka mga lugar sa Luzon, sa diin may yara sang moderate to significant nga pamahog sa kabuhi kag propedad.
LUZON
The southern kag western portion sang Babuyan Islands, northern kag western portions sang Cagayan, nabilin nga bahin sang Apayao, central portion sang Abra, northern portion sang Ilocos Sur
Sa subong, nabatak naman ang Tropical Cyclone Wind Signal No. 2 sa pila ka mga lugar sa Luzon, sa diin may yara sang minor to moderate nga pamahog sa kabuhi kag propedad.
LUZON
Southern portion sang Batanes, nabilin nga bahin sang Babuyan Islands, nabilin nga bahin sang mainland Cagayan, northern kag western portions sang Isabela, nabilin nga bahin sang Abra, Kalinga, Mountain Province, northern portion sang Ifugao, northern portion sang Benguet, nabilin nga bahin sang Ilocos Sur kag northern portion sang La Union
Sa subong, nabatak naman ang Tropical Cyclone Wind Signal No. 1 sa pila ka mga lugar sa Luzon, sa diin may yara sang minimal to minor nga pamahog sa kabuhi kag propedad.
