SIBUNAG GUIMARAS- Nagahingyo ang isa ka bararangay Official sa Barangay Maabay Sibunag, Guimaras nga untatan ang pagpalapta sang sala nga balita nga infected siya kag ang iya napatay nga tiayon sang Coronavirus disease 2019.
Sa interview sang Bombo Radyo kay Barangay Kagawad Joey Libuna, iya ginpahayag nga wala sang kamatuoran nga siya kag ang iya pamilya ang may virus.
Suno kay Libuna, breast cancer ang gintunaan sang kamatayun sang iya tiayon kag nakahatag naman sang certification ang hospital nga covid free ang bangkay.
Pahayag pa niya, bangud sa nasambit nga isyu, wala na sang may nagadu-aw sa iya tiayon nga nagtaliwan kag halos wala na sang may nagapalapit sa ila.
Kuntani suno sa natungdan, untatan ang ginahimo nga pagpalapta sang sala nga impormasyon tuhoy sa ila pamilya, kag untatan ang ginahimo nga diskriminasyon.
