Naluwas sang mga personnel sang Quezon City Police District (QCPD) ang tatlo ka tuig nga bata kag naaresto ang yaya sini nga nakidnap sa iya.
Ang yaya ang nangayo sang ransom kabaylo sang bata.
Base sa report sang PNP, sang gab-i sang Agusto 10 sang gintaban sang yaya ang bata halin sa Aragon St., Brgy. Paltok.
Naggwa sa imbestigasyon, nagareklamo sang pagsakit sang tiyan ang suspek kag naglisensya sa iya employer nga magakuha lang sang bulong kag gin-upod niya ang bata apang wala na sila nagbalik.
Makaligad ang pila ka oras, may nabaton nga text message ang ginikinana sang bata kag nagapangayo sang ₱150,000 bilang ransom.
Gilayon nagpatigayon sang entrapment ang otoridad nga nagresulta sa pag-rescue sa bata.
Naaresto ang yaya kag natalana nga pasakaan sang kaso.
