Ginbawian gid sang kabuhi ang 11-anyos nga bata nga lalaki matapos naigo sang kilat sa sulod mismo sang ila balay sa Barangay Granada, Bacolod City, Negros Occidental.
Suno sa otoridad, nagahigda ang biktima tupad sa iya iloy sang naigo sang kilat.
Naigo ini sa dughan kag nasunog gid ang iya likod.
Mangin ang suksok sini nga panapton ang nasunog man.
Nahibaluan nga indi ini ang una nga tion nga may naigo sang kilat sa lugar bangud ang lolo sang bata ang naigo man sadto.
Plano naman sang mga opisyal sang barangay nga magpangayo sang bulig sa mga eksperto agud hibaluon kun may siyentipiko nga paathag kun nga nagaganyat sang kilat ang ila lugar.
