Ginklaro ni Batangas Rep. Gerville Luistro nga ang ginahimo sang House Committee on Justice batok sa impeachment ni Vice President Sara Duterte ang indi isa ka trial.
Ini matapos nga nagsulat ang legal team ni VP Duterte kay Luistro kag ginpahayag nga kaangay trial na ang ginahimo sang mga ini sa impeachment ni Duterte nga suno pa sa ila ang hilimuon lamang sang Senado kag indi sang komite sang kamara.
Suno kay Luistro, tinutuyo lang sang hearing nga mahibaluan kun may husto nga ebidensya agud mag-proceed ang kaso sa Senado, kun sa diin hiwatun ang matuod nga trial.
Paathag pa ni Luistro nga ginagamit lang sini ang tinaga nga “mini-trial” agud mas mahapos mahangpan sang publiko nga ini ang una nga proseso pa lang kag indi ang matuod-tuod nga imbestigasyon.
Dugang pa sini nga may kinamatarong ang Kamara nga maghimo sang kaugalingon nga mga laye sa impeachment base sa Konstitusyon.
Matandaan nga si Duterte ang nagapangatubang sang mga reklamo batok sa ginaalegar nga misuse of confidential funds kag pagpamahog sa kabuhi ni President Ferdinand Marcos Jr., asawa sini nga si first lady Liza Marcos kag former house speaker Martin Romualdez.
