Ginahandaan ni Senator Ronald “Bato” dela Rosa ang anuman nga posibilidad kasunod sang pahayag ni President Ferdinand “Bongbong” Marcos Jr. nga ginatun-an sang gobyerno ang posibilidad nga magbalik sa International Criminal Court (ICC).
Si Dela Rosa amo ang hepe sang Philippine National Police (PNP) sang tion nga ginpatuman ni anay Presidente Rodrigo Duterte ang maduguon nga war on drugs kag isa man siya sa na-mensyonar sa crimes against humanity complaint nga gin-file sa amo nga international court.
Suno kay dela Rosa, handa siya nga atubangon ang korte sa Pilipinas kag apisar indi kuntani siya willing nga mag-atubang sa korte sa luwas sang pungsod, wala ini nagakahulugan nga layasan niya ang imbestigasyon.
Senator Ronald “Bato” dela Rosa (Senate PRIB)
Pahayag pa ni Dela Rosa, mangin siya ang nakibot man sa pahayag ni Marcos nga daw kaangay nga naghumok na ang panindugan sini sa ginahingyo nga imbestigasyon sang ICC.
“I feel I should be ready for any eventuality. The political situation in the Philippines is very fluid, so I have to be ready,” pahayag ni dela Rosa.
Apang suno sa natungdan, kun ginhambal sang presidente nga ginatun-an pa lamang ini, madamo pa ang posibilidad.
“If the President says categorically that he is allowing ICC to come in and make the investigation, then that’s backpedalling. But when he says he is just ‘studying,’ maybe there are a lot of possibilities when he said ‘study,’ ” pahayag sang senador.
Ginsiling man sini nga ang presidente ang chief architect sang foreign relations, gani napaidalom sa discretion sini kun pahanugutan ukon indi ang pagsulod sang international court diri sa Pilipinas.
