Bato, nag-ayo kay Robin nga madungan sakay pa-gwa sa Senado sang Mayo 14

Nag-ayo si Senator Ronald “Bato” dela Rosa nga pasakyon siya ni Senator Robin Padilla sang naggwa sila sa Senado sang Huwebes sang kaagahon, Mayo 14.

Suno kay Padilla, indi man siya makapangindi kay Dela Rosa bangud nga wala man ini sang salakyan.

Ini bangud gindul-ong lang si Dela Rosa sang salakyan ni Senate President Alan Peter Cayetano sang nagtambong siya sa Senate Session sa Lunes sang hapon, Mayo 11.

“Ang sabi ni Sen. Bato, ‘Sasabay na ‘ko.’ Alangan namang tanggihan ko iyon? Walang sasakyan si Sen. Bato dahil inihatid lang siya sa Senado ng sasakyan ni Senador Alan Peter Cayetano,” suno kay Padilla.

Apang dugang ni Padilla, nagpanaog si dela Rosa sa Makati kag wala naman namangkot si Padilla kun sa diin siya magkadto.

Ginapangita na subong si Dela Rosa kasunod sang pag-deny sang Supreme Court sang ginahingyo sini nga Temporary Restraining Order (TRO) sa implementasyon sang arrest warrant halin sa International Criminal Court (ICC).

Isa naman si Padilla sa gina-imbestigaran sang awtoridad kaangot sa pagpalagyo ni Dela Rosa.