ILOILO CITY- Nagpabutyag si Iloilo 4th District Board Member Rolando Distura sa pagpabor sa suhestiyon nga buksan ang pila ka lanes sang Ungka flyover para sa mga light vehicles agud mahagan-hagan ang problema sa trapiko sa lugar.
Sa interview sang Bombo Radyo kay Distura, iya ginpahayag nga kun tugutan gid man ini, kinahanglan lang nga masiguro nga safe ini sa mga motorista kag sa publiko.
Matandaan nga nagpadala sang sulat si Iloilo 2nd District Representative Michael Gorriceta kag Department of Public Works and Highways Secretary Manuel Bonoan nga nagahingyo nga buksan sa motorista ang pila ka lanes sang flyover sa kondisyon nga limitado lang ini sa mag-an nga mga salakyan.
Ang ini nga suhestiyon ang ginkontra naman sang Ilonggo Structural Engineer nga si Engr. Nilo Jardeleza bangud dako ang posibilidad nga may peligro nga matabo sa tion nga piliton nga agyan ang kontrobersyal nga Ungka flyover.
Sa ginaplano naman nga himuon nga two lanes ang magtimbang nga dalan sa kilid sang flyover, ginpahayag ni Duron nga pabor man siya diri ilabi pa nga may yara na sang ginpatigayon nga road widening agud indi maggutok ang mga salakyan.
