Wala pa sang dapat lauman nga matabo nga ‘Manny Pacquiao versus Ryan Garcia’ nga boxing match.
Ini ang gin-anunsyo mismo sang 22 anyos nga American WBC interim lightweight champion nga si Garcia sa Instagram.
Sa iya IG stories, ginpahibalo ni Garcia sa iya fans kag supporters nga nagpaninguha man sya agud matigayon ang boxing match batok sa Filipino boxing senator apang wala nadayon bangud sang pila ka isyu nga wala man niya ginpanan-aw.
Nagpasalig man si Garcia nga ginahitso na subong ang iya masunod nga hampang.
Matandaan nga Enero sang una nga gin-anunsyo ni Garcia ang boxing match batok kay Pacquiao kag ginkumpirma man sang kampo ni Pacquiao nga ongoing ang negosasyon sang Pebrero para kuntani sa away batok kay Garcia.
