Pat-od nga may “One Sweet Day” gid ang Pinoy fans sang Grammy award-winning trio nga Boyz II Men sa 2025!
Ini bangud magakadto ini nga grupo sa Manila para sa isa lamang ka gab-i nga concert sa The Araneta Coliseum sa Mayo 18.
Suno sa Wilbros Live, ang R&B group nga ginabug-usan nanday Nathan Morris, Wanya Morris, kag Shawn Stockman ang natalana nga maga-harana sa Manila sang ila nga greatest hits kag iban pa nga sorpresa nga mga musika.
Igabaligya ang tickets via TicketNet outlets kag online umpisa sa Nobyembre 16 nga may masunod nga rates: VIP (P9,500), Patron A (P8,500), Patron B (P7,500), Lower Box A (P5,000), Lower Box B (P3,500), Upper Box (P2,500), kag Gen Ad (P1,200).
Ini nga trio nga pop culture icon sang 1990s isa ka American vocal harmony group nga halin gid sa Philadelphia, Pennsylvania, USA.
Nagsugod sila sang 1985 kag kilala sa ila hits kaangay sang “End of the Road”, “I’ll Make Love to You,” “A Song For Mama”, ” If You Leave Me Now” kag madamo nga iban pa.
Tuig 2018 sang nagpatigayon man sila sang konsiyerto sa Pilipinas kaupod sanday Yeng Constantino, Kyla, Angeline Quinto kag KZ Tandingan.
