SAN DIONISIO, ILOILO – Wala sang may matabo nga lockdown sa Barangay Bagacay, San Dionisio, Iloilo matapos maka-record sang labing una nga kaso sang Coronavirus Disease 2019 (COVID-19).
Sa interview sang Bombo Radyo kay San Dionisio Mayor Larry Villanueva, iya ginpahayag nga pag-disinfect lang sa barangay, merkado kag establisimento nga sakop sang Barangay Bagacay ang patigayunon.
Suno kay Villanueva, ang nasambit nga lihok sang banwa ang pila lamang sa mga pamaagi agud ma proteksyonan ang mga pumuluyo.
Sa subong nagapabilin sa quarantine facility si WV 262, 25 anyos nga lalaki kag isa ka locally stranded individual.
