ILOILO CITY – Nagpanawagan ang Bangko Sentral ng Pilipinas (BSP) sa publiko nga mangin alerto sa paglapta sang mga counterfeit notes ukon peke nga kwarta.
Sa interview sang Bombo Radyo kay Lowen Andrew June Ligad, Bank Officer sang BSP-Iloilo, iya ginpahayag nga lakip sa mga dapat tandaan sa pagtumod kun ang isa ka kwarta ang peke amo ang FLT sa diin ang F ang nagakahulugan sang Feel, L ang nagakahulugan sang Look at T ang nagakahulugan sang Tilt.
Suno kay Ligad, indi man tuman kadamo ang mga nagalagaw nag peke nga kwarta.
Ginpanugyan man sang natungdan sa publiko nga indi pagkakason ang itom nga thread sa kwarta nga papel bangud importante ini.
Sa mga nakabaton sang peke nga kwarta, mas maayo suno kay Ligad nga ihatag ini sa BSP.
