ILOILO CITY – Wala sang pagbag-o sa byahe sang mga salakyan sa pasulod kag pagguwa sang probinsya sang Iloilo sa pihak sang kumpirmasyon sang Department of Health nga may labing una na nga kaso sang Coronavirus Disease 2019 (COVID-19).
Suno kay Iloilo Governor Arthur Defensor Jr., wala sang mangin pagbag-o sa byahe bangud madamo ang pumuluyo gikan sa probinsya sang Iloilo ang nagatrabaho sa syudad magluwas sa mga frontliners.
Liwat man nga nagpahanumdom ang gobernador nga sundon ang 3P’s nga amo ang pahimunong, paumod kag pasensya agud nga indi na malatnan sang virus.
Ginpahayag man ni Defensor nga simple lang ang ginahingyo sang gobyerno pinaagi sa pagsunod sa ginapaguwa nga abiso.
