ILOILO CITY – 11 na ang active cases sang COVID-19 sa Barangay Calumpang, Molo, Iloilo City subong nga Disyembre.
Sa interview sang Bombo Radyo kay Punong Barangay Roberto Niño Jr., iya ginpahayag nga duha sa sini nga numero ang pinakabag-o nga nagdugang.
Ang duha ka panibag-o nga kaso amo ang:
- 40 anyos nga babaye, nagatrabaho sa pharmacy, nagatinir sa quarantine facility, kag may 6 ka close contact
- 42 anyos nga lalaki, government employee, naka-home quarantine kag may 14 ka close contact
Ang duha ang lunsay asymptomatic.
Ang 20 ka naka-close contact sang duha ka pasyente ang lunsay naman napaidalom sa swab test kag ginahulat na lang ang resulta.
