Nagpamahog si Cambodia Prime Minister Hun Sen nga pangpresuhon ang mga nagalapas sa quarantine protocols sa ila pungsod.
Ginpaandaman man niya ang mga civil servants nga madulaan sila sang trabaho kun indi sila magpabakuna batok sa COVID-19.
Ini ang iya nangin mga pahayag samtang padayon nga nagatimbuok ang kaso sang COVID-19 sa Cambodia kun sa diin masobra sa 1,000 infections ang narekord sa magkasunod nga adlaw.
Aminado ang prime minister sang iya kontrobersyal kag harsh nga warning nga ipaidalom sa quick trial kag pagkapreso ang mga nagalapas sa quarantine protocols.
Suno sa iya, mabaton niya nga tawgon siya nga diktador, apang pat-od man nga dayawon siya bangud sang iya pagproteher sa iya mga pumuluyo.
Sa subong, ang Cambodia ang nagpasar na sang hagna kun sa diin nakasaad nga tubtob 20 ka tuig ang pagapreso sa mapamatud-an nga guilty sa pag-violate sang COVID-19 rules.
