Kaangay nga nagadalom na ang relasyon sang mga celebrity athletes nga sanday Juliana Gomez kag Ricci Rivero matapos makita ang rumored couple nga naga-bonding sa isa ka restaurant upod sa amay ni Juliana nga si Richard Gomez.
Makit-an sa mga laragway nga naga-enjoy ang mga ini sa ila pagkaon upod ang pila ka mga abyan sini.
Sa mga litrato, tupaday nga nagapungko sanday Juliana kag Ricci, samtang si Richard naman ang nahamtang sa pihak nga bahin sang lamesa .
Una nga naggwa ang mga espekulasyon sang ila relasyon sang nagligad nga tuig matapos sila makita nga magka-upod sa pila ka okasyon.
Isa na diri sang nagkadto kag gin-suportahan ni Ricci si Juliana sa iya fencing game sa 33rd Southeast Asian Games sa Thailand.
Nakita man ang duha sang Enero sa isa ka shopping mall nga magka-holding hands samtang nagalakat.
Sa subong, wala pa ginakumpirma nanday Juliana kag Ricci ang matuod nga estado sang ila relasyon.
