Nakit-an sang Department of Trade and Industry (DTI) nga nagsaka sang 35% ang exports sang Pilipinas sa niyog samtang nagataas naman ang global demand para sa ube kag calamansi.
Suno kay Trade Secretary Maria Cristina Roque, bisan nga may mabaskog nga demand para sa pinya kag sa saging, makabig subong ang ube kag calamansi nga “rising stars” kun exports sang Pilipinas ang pagahambalan.
May isa ka bantog nga multinational chain of coffeehouses and roastery reserves nga naglunsar sang ube drink sa London suno kay Roque gani nga maayo ini nga balita para sa ube farmers kag ube industry.
Magluwas sa potensyal sang Pilipinas sa agricultural exports, yara man ang semiconductors, minerals, kag electronic and automotive parts.
Sa agrikultura, nagakadto masami ang mga produkto sang Pilipinas sa mga market sa US, European Union, Asia, South America, kag United Kingdom.
Sandig sa data sang ahensya, nagdangat ang exports sa all-time high sang 2025 nga may 15.4 percent annual growth.
Ang Pilipinas amo ang second-largest producer kag exporter sa bilog nga kalibutan sang coconut products.#
 nga nagataas naman ang global demand para sa ube kag calamansi.){kind=link}