Gin-report sang Philippine Coast Guard (PCG) nga magluwas sa navy, coast guard, kag militia vessels, nagpadala pa gid ang China sang drone sa Bajo de Masinloc ukon sa Panatag ukon Scarborough Shoal sa Zambales nga amo ang makabig nga latest development sa nagasaka ang tensyon sa tunga sang Pilipinas kag China.
Suno kay Commodore Jay Tarriela, spokesperson sang PCG sa West Philippine Sea, ang drone nga ila nga na-monitor sang katapusan nga ginpatigayon ang patrol operation sa Bajo de Masinloc ang gin-updan sang apat ka China Coast Guard (CCG) vessels nga amo ang CCG 3063, 3054, 3302, kag 3105.
“I think in this tally of Chinese government forces, what is interesting is that we documented a Chinese Coast Guard drone that flew over Bajo de Masinloc and it took off from CCG 3105,” pahayag ni Tarriela.
May yara man sang People’s Liberation Army (PLA) Navy ship kag apat ka Chinese maritime militia.
Ang PLA Navy ship suno kay Tarriela ang nasiplatan sa kalayuon nga 28 nautical miles halin sa southeast entrance sang Bajo de Masinloc, apang mas nagpalapit pa ini kag nasiplatan sa 18 nautical miles sang nagpatrolya naman ang barko sang Bureau of Fisheries and Aquatic Resources (BFAR) sang Pebrero 15.
“It never entered a distance of 12 nautical miles which is the territorial sea of Bajo de Masinloc but I’m not sure if they chose not to enter the territorial sea of Bajo de Masinloc or what. As far as monitoring is concerned, they stop at a distance of 18 nautical miles,” dugang ni Tarriela.
Ang duha ka Coast Guard vessels suno kay Tarriela ang nakit-an nga nagpangbutang sang floating barriers sa southeast entrance sang Bajo de Masinloc sa kada tion nga magsulod ang barko sang PCG ukon sang BFAR sa area.
Ang duha ka iban pa nga mga barko sang CCG amo naman ang assigned sa paghimo sang delikado nga mga maneuvers kag pagbalabag sa barko sang Pilipinas nga magpalapit sa Bajo de Masinloc.
Indi pa maathag kun ano paano makaapekto sa away sang Pilipinas kag China ang deployment sang drone sa Bajo de Masinloc.
Ini nga shoal ang nahamtang sa kalayuon nga 124 nautical miles west sang Zambales kag sulod pa sa 200-nautical mile exclusive economic zone sang Pilipinas kag 200-nautical mile Philippine Continental Shelf.
Apisar sang padayon nga pagpang-harass suno sa PCG, magapadayon ang rotational deployment —indi agud garit-gariton ang China kundi agud protektahan ang mga manugpangisda nga mga Pinoy.
“Are we provoking China? Are we escalating it? I don’t think so. Our objective here is to protect the Filipino fishermen, to make sure that the Filipino fishermen can fish in Bajo de Masinloc,” dugang sang spokesperson. #
