ILOILO CITY – Christmas rush ang ginatudlo nagapanguna nga rason sa pagpugok sang trapiko sa Iloilo City Proper subong nga mga inadlaw.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office (PSTMO), iya ginpahayag nga kinaandan na nga kun maglab-ot sa Disyembre 18 pataas, nagadamo ang mga salakyan sa syudad bangud madamo ang kinahanglan baklon sang mga tawo.
Subong nga adlaw, pito ka collision ukon pagbunggunay ang na-rekord sang PSTMO bangud sa huol tuga sang pagginutok sang mga salakyan.
May yara pa sang ongoing drainage projects rason nga indi makadali-dali sa pag-agi ang mga salakyan.
May mga traffic enforcers man nga deployed sa nasambit nga lugar suno kay Conlu nga amo ang nagapaninguha nga makontrol ang volume sang mga salakyan kag mga tawo.
Sa reklamo sang iban ka motorista nga wala sang nagabantay sa iban nga intersections, ginpaathag ni Conlu nga kinahanglan nila bayaan ang iban nila nga posts sang makadali lang bangud sang nagakatabo nga collisions ukon mga pagbungguanay.
