ILOILO CITY-— Naghatag sang sabat ang ang Philippine Coast Guard (PCG) may kaangtanan sa pagka stranded sang mga pasahero sang fastcraft nga Supercat matapos nakaangkon sang mechanical trouble ang nasambit nga sakayan.
Sa interview sang Bombo Radyo kay Lt. Commander Rodolfo Dela Peña, commander sang Philippine Coast Guard (PCG) Iloilo, iya ginpahayag nga sang nabaton nila ang impormasyon nga may na straned nga Supercat, gilayun sila nga nagcoordinate sa Philippine Coast Guard Bacolod agud mahatagan sang nagakaigo nga bulig.
Suno kay Dela Peña, nagpakig-angot man sila sa management mismo sang fastcat nga maghire sang tugboat bangud small craft lang ang may ara sa coast guard kag indi ini pwede bangud dako ang supercat nga sakayan.
Kun may yara naman sila sang available nga mahimo magamit sa pagrescue ginapa -assist man nila ini .
Ang mahimo lang nila suno kay Dela Peña amo ang close coordination bangud wala na nalakip sa ila area of responsibility ang lugar kun sa diin naaberya ang sakayan.
