ILOILO – Ginatutukan sang Office of Civil Defense ang mga coastal barangay sa Western Visayas bangud sa Bagyo Tisoy.
Sa interview sang Bombo Radyo kay Ma. Aletha Nogra, Division Chief sang Disaster Risk Reduction and Management sang Office of Civil Defense 6, iya ginpahayag nga padayon ang monitoring sa mga lugar nga yara sa higad sang baybay ukon malapit sa suba kag creek.
Suno kay Nogra, landslide kag pagbaha ang ginalauman nga matabo kun magbubo ang tuman ka baskog nga ulan.
Ginpahayag ni Nogra nga may mga Local Government Unit nga una na nga nagdeklarar sang class suspension para sa seguridad sang estudyante.
Antes pa man ang landfall sang bagyo, ginpahayag sang natungdan nga ginpapasa sang contingency plan ang tagsa ka Provincial Disaster Risk Reduction and Management Office.
Nakadepende naman sa lakat sang panahon ang mangin plastada sang rescue operation.
