Magapadayun ang preparasyon sang Commission on Elections (Comelec) para sa barangay kag Sangguniang Kabataan elections 2026 para sa paalabuton nga Nobyembre 2, 2026.
Ini ang ginkumpirma ni Comelec Chairman George Erwin Garcia samtang wala pa sang pinal nga desisyon ukon napasar nga layi nga i-postpone ang BSKE 2026.
Kasunod ini sang napasar sa Kamara nga House Bill 10971 sang Setyembre 8 nga may tinutuyo nga ubrahun nga five-year term ang serbisyo sang mga barangay officials halin sa apat lamang ka tuig.
Sang nagligad naman nga Setyembre 14, pasado na sa senado ang Senate Bill No. 2387 nga may katuyuan nga amyendahan ang Republic Act No. 12232 agud ma-extend man sa lima ka tuig ang termino sang nasambit nga mga opisyal.
Sa tion nga mangin layi ang nasambit nga hagna, pagakanselahun ang eleksyon sa Nobyembre 2.
Apang suno kay Garcia, magapadayun ang ila preparasyon ilabi na nga madamo ang nagakontra sa ginaduso sang mga mamalidha sa tion nga may ara na sang mapasar nga layi kun sa diin may ara sa gihapon sang dako nga posibilidad nga mag-issue ang korte sang restraining order kag makapadayun pa ang eleksyon sa Nobyembre.
