ILOILO CITY- Wala pa nahibaluan ang kondisyon sang isa ka construction worker matapos nakuryente sa ginapatindog nga balay sa Miramar Subdivision, San Isidro, Jaro, Iloilo City.
Ang biktima amo si Kenneth Magullado,legal ang edad nga taga- Iloilo City.
Sa interview sang Bombo Radyo kay David Magullado, pakaisa sang biktima, iya ginpahayag nga hinali lang nga naglupok ang live-wire kag nakit-an niya nga nagtabog ang iya pakaisa gikan sa ikatlo nga panalgan sang gina-ubra nga balay.
Suno sa iya, mahimo nga natandog sa live wire ang kabilya nga ginauyatan sang iya pakaisa.
Lipong kag may pilas sa agtang nga gindala sa ospital ang biktima.
