Gin-postpone sang Philippine Health Insurance Corporation (PhilHealth) ang scheduled hike para sa contribution sang ila nga mga miyembro subong nga tuig.
Ini ang kasunod sang mandu ni Presidente Rodrigo Duterte nga ipaiway anay ang increase sa premium sang mga miyembro sa tunga sang COVID-19 pandemic.
Suno sa state insurer, kaangay man sa tuyo ni Presidente Duterte ang ila nga intensyon nga buhinan ang mga problema sang mga Pinoy nga apektado sang COVID-19 pandemic.
Bangud sini, magakolekta sa gihapon ang PhilHealth sang premiums halin sa Direct Contributors gamit ang 3% sa baylo nga 3.5% contributions rate; kag P60,000 sa baylo nga P70,000 ceiling sa Calendar Year 2020
