ILOILO CITY – 944 ang active cases sang coronavirus disease (COVID-19) sa Western Visayas.
Ini matapos nadugangan sang 48 ka panibag-o nga mga kaso subong nga adlaw, Pebrero 18.
Sa bag-o nga mga kaso, 8 ang nagikan sa Aklan, 2 sa Capiz, 14 sa probinsya sang Iloilo, 10 sa Negros Occidental, 2 sa syudad sang Bacolod, kag 12 sa syudad sang Iloilo.
Sa Pebrero 18 nga bulletin sang Department of Health Region VI, nakasaad nga 110 ka dugang nga recoveries kag duha ang nadugang sa mga napatay.
Ang Western Visayas ang may yara na subong sang 24,185 nga total reported cases sang COVID-19. Sa sini nga numero, 22,510 ang total reported recoveries, kag 725 ang total reported deaths.
Kun pahat-pahaton ang mga kaso sa rehiyon:
Aklan – 734
Antique – 110
Capiz – 1,280
Guimaras – 265
Iloilo Province – 4,058
Negros Occidental – 6,733
Bacolod City – 5,808
Iloilo City – 5,197
