Ipatigayon na subong nga adlaw, Marso 14, ang inoculation sang COVID-19 vaccines sa mga medical frontliners sa syudad sang Iloilo.
Ang maka-avail sang 620 doses sang Sinovac vaccines nga ginpain sang Department of Health Region VI amo ang mga frontline health workers nga nagatrabaho sa mga quarantine facilities sa syudad halin sang nag-umpisa ang COVID-19 pandemic.
Naghingyo man si Mayor Jerry Treñas nga ilakip sa vaccination ang mga katapo sang Barangay Health Emergency Response Teams.
Sa interview sang Bombo Radyo kay Treñas, iya ginpahayag nga naghatag siya sang instruction sa City Health Office nga ubuson gid ang doses nga ginhatag sang DOH.
Ang inoculation ang patigayunon umpisa 8:00 subong nga aga sa West Visayas State University Medical Center Gymnasium.
