ILOILO CITY- Naglab-ot na sa 26,132 ka mga evacuees ang na-record sang City Social Welfare and Development Office.
Sa interview sang Bombo Radyo kay Ms. Teresa Gelogo, pinuno sang nasambit nga talatapan, iya ginpahayag nga kapin sa 6,100 tanan ka mga pamilya na ang nakabaton sang food packs.
Suno kay Gelogo, posible madugangan pa ang numero sang mga pumuluyo nga apektado sang pagbaha.
Nahibaluan nga masobra na sa 80 sa kabilugan nga 180 ka mga barangay sa syudad ang lubog sa baha bangud sa mabaskog nga pag-ulan dala sang habagat.
