Magahatag sang P75 milyon nga bulig ang Department of Agriculture para sa krudo sang mga mangingisda bangod sa mataas nga presyo sang gatong.
Suno sa DA, ang fuel assistance igahatag sa masobra 15,000 ka mangingisda paagi sa Bureau of Fisheries and Aquatic Resources (BFAR).
Ginaplano man nga palaparon pa ang programa paagi sa dugang nga pondo halin sa Presidential Assistance Program for Farmers and Fisherfolk.
Suno kay Agriculture Secretary Francisco Tiu Laurel Jr. ini nga inisyatibo ginahimo agud makahatag sang bulig paagi sa fuel subsidy kag logistics support agud mapabakod ang food system paagi sa pagpaayo sang supply chain efficiency sa pungsod.
